Eutyun

ՃԱՆԱՉԵԼ ԻՄԱՍՏՈՒԹՅՈՒՆ ԵՒ ԶԽՐԱՏ, ԻՄԱՆԱԼ ԶԲԱՆՍ ՀԱՆՃԱՐՈՅ

Սկզբնաէջ

ԱԼԵՔՍԱՆԴՐ ՎԱՐՊԵՏՅԱՆԻ ՈԴԻՍԱԿԱՆԸ

Լուսանկարը` Սամվել Սևադայի

Կենսագրական Ա. Ա. ՎԱՐՊԵՏՅԱՆԻ ԱՆՁՆԱԿԱՆ ԷՋԸ

10/12.2007թ.

         2002թ.-ից սկսած Ալեքսանդր Վարպետյանին (գրական անունը` Արորդի), ներկայում` Ֆրանսիայի քաղաքացի, արգելվում է մուտք գործել Հայաստանի Հանրապետություն: Առաջին հայացքից մի անհեթեթ և անհավանական իրողություն է թվում դա… բայց փաստ է: Մեր կայքում խնդիր ենք դրել հետևողական և անաչառ ձևով հետաքննել ու բացահայտել այդ առեղծվածն իր բոլոր նրբություններով:
        Իր Հայաստան մուտք գործելու արգելքի հավանական և անհավանական բազմաթիվ վարկածներ Վարպետյանը շարադրել և վերլուծել է դեռ 2003թ.-ին` իր “Ազգային Խաչբառ կամ ո՞ւմ է խանգարում Ալեքսանդր Արորդի Վարպետյանը” գրքույկում: Ցանկացողները կարող են ծանոթանալ այդ գրքույկին, սակայն մենք դրան չենք անդրադառնա, քանի որ մեր վերջին հետազոտությունների, այդ թվում Վարպետյանի հետ մշտական երկխոսության, արդյունքում բավականին որոշակիացրել և նեղացրել ենք այս առեղծվածի գաղտնիքները: Թեպետ մեզ համար էլ դեռևս չբացահայտված են մնում շատ կարևոր նրբություններ ու մանրամասներ:
        Որոշ կազմակերպություններ և անհատներ տարբեր ատյաններում փորձել են պարզաբանել այս հարցը: Մասնավորաբար` ՀՀ առաջին օմբուդսմեն Լ.Ալավերդյանը այս հարցը լուծելու պահանջ ներկայացնող որոշում է ընդունել 2005թ.-ի դեկտեմբերին, այս հարցին մի քանի անգամ անդրադարձել է “Հետաքննող Լրագրողներ” ("Հետք") կազմակերպությունը (նախագահ` Է.Բաղդասարյան), ամենատարբեր ատյաններին բազմիցս դիմել են Ա.Վարպետյանի որդին` ՀՀ քաղաքացի, երևանաբնակ Արթուր Վարպետյանը, և էլի մի քանի անհատ մարդիկ, որոշ հրապարակումներ են եղել նաև մամուլում: Իսկ արդյունքներն ու ստացված պատասխանները մեծամասամբ ծիծաղելի են և անհեթեթ:
        Նշենք, որ ինչպես հավաստիացնում է Ա.Վարպետյանը, շատ հզոր մարդիկ են փորձել միջնորդել և լուծել իր վիզայի հարցը` սակայն անհաջող: Մասնավորաբար, անգամ հանրապետության վարչապետ, երջանկահիշատակ Ա.Մարգարյանին չի հաջողվել լուծել այդքան չնչին թվացող հարցը:
       Նշենք նաև, որ մինչև 2007թ.-ը նրան Հայաստան մտնելու բոլոր մերժումները եղել են առանց չնչին իսկ բացատրության, սակայն 2007թ.-ին ինչ-ինչ պատճառներով ՀՀ իշխանությունների կողմից սկսվեց հրապարակվել նրա Հայաստան մուտքի արգելքի որոշակի պատճառներ: Պատկերը գնալով սկսեց հստականալ, սակայն հարցականները պակասելով հանդերձ` առավել խորացան: Մենք կշարունակենք մեր դիտարկումներն ու հետաքննությունը` դեռևս խուսափելով վերջնական գնահատականներ տալուց:
        Մեր կողմից այս գործի հետաքննությունը ոչ միայն մարդու իրավունքների ու մարդասիրության, քաղաքացիական դիրքորոշման ու ժողովրդավարության, արդարության և արժանապատվության հարց է, այլ նաև` ազգային անվտանգության ու գոյապայքարի: Ո՞վ կարող է վստահ ասել, որ այս գործը չի հանդիսանում մեր ազգի հետևողական գլխատման տեսանելի և անտեսանելի հանգույցներից մեկը` այն գլխատման, որի գագաթնակետն անշուշտ հոկտեմբերի 27-ն էր:
       Ներկայացվող հղումներով կարող եք ծանոթանալ այս առեղծվածային գործի մի շարք մանրամասների:

10/06.2008

Ա. Ա. ՎԱՐՊԵՏՅԱՆԻ ԱՌԵՂԾՎԱԾԱՅԻՆ ՈԴԻՍԱԿԱՆԸ
(ինչո՞ւ նա արտաքսվեց հայրենիքից և հետապնդվում է ցայսօր)

Իմաստուն է նա, ով հետևանքի մեջ պատճառ է տեսնում պատճառի մեջ` հետևանք,
նույնության մեջ` տարբերություն,
տարբերության մեջ` նույնություն,
«Մեծը` փոքրի ներգո, փոքրը` մեծի»
և երևույթների ներքո` էություն, էությունների մեջ` երևույթ...
( Ալեքսանդր Արորդի, «ՏԱՊԱՆԱՔԱՐ» )

23/01.2009

ՍԱԳԱ ՀԱՅԱՍՏԱՆՅԱՆ ՔԱՂԱՔԱՑԻՈԻԹՅԱՆ ՄԱՍԻՆ
ԿԱՄ «ԿԱՐԱՊՆԵՐԻ ԵՐԳԸ» ...

26/10.2008

ԵՐԵՎԱԿՈՒՄ ...
...Ըստ փաստացի վկայությունների, այդ արտաքսումը պաշտոնապես հրահանգել է ՀՀ նախագահ Ռ. Քոչարյանը, 2008 թ. մարտի 10-ի «ՆԿ-38-Ա» կարգադրությամբ...

Հղումներ

http://www.persons.am/am/518.htm

Բացի Ա.Վարպետյանի կենսագրական տվյալներից,
այստեղ կարելի է տեսնել բազմաթիվ այցելուների գրություններ:

http://en.wikipedia.org/wiki/Alexander_Varbedian

Ա.Վարպետյանին նվիրված էջ`
WIKIPEDIA ինտերնետային հանրագիտարանում:

Ա.Վարպետյանին Հայաստանից վտարման առեղծվածը

Գործին առնչվող մանրամասներ



  23/05.2018


    ՔԱՅԼ ԱՐԵ՛Ք, ՊԱՐՈՆԱՅՔ....



  24/12.2016


    ԱՐՏԱՌՈՑ....



  15/10.2015


        ԽԱՂԱԹՂԹԵՐԸ ԲԱՑԵԼՈՒ ԺԱՄԱՆԱԿԸ...





  01/10.2015


    ՔԱՆԻ ԴԵՌ ԿԵՆԴԱՆԻ Է «ԱՆՄԱՀ ԿԱՇՉԵՅԸ»...





  01/07.2013


ՀՈԳԵՎՈՐ ԱՆԿԱԽՈՒԹՅՈՒՆ...

13/04.2013


ԿԱՏԱՐՎԵՑ!!!...

12/01.2013