Ընթացիկ մեր նախորդ հաղորդագրությամբ տեղեկացրել էինք  ՀՀ նախագահին  ուղղված Հայապահպան Նախաձեռնությունների Համակարգման Խորհրդի (ՀՆՀԽ) «Ա.Վարպետյան-70» հոբելյանի և մեր դիմումների վերաբերյալ  ( http://www.eutyun.org/S/2/AVG/AVG_130112_Xaxatxter.htm  ):  Ըստ այդմ, երկուսս էլ հայցում էինք այդ առիթով հայրենիք կարճատև այցելության թույլտվություն: Ավելին, մենք առաջարկում էինք ՀՀԿ արտահերթ 14-րդ համագումարում  նախագահի ելույթում հնչեցված մի շարք խնդրականներին մեր ավանդը, որոնք տասնամյակներ ի վեր մշակված նաև «Էություն» ոգե-գաղափարական համակարգի հիմնադրույթներից են:
    
    Ըստ ՀՆՀԽ-ին  ուղղված 09/01/2013թ. N°20-14504  ՀՀ նախագահության աշխատակազմի  հավաստագրի առաջին դիմումը վերահասցեագրվում է Մշակութային նախարարությանը: Վերջինս, 07/02/2013թ. գրությամբ պատասխանում է, որ իր իրավասության սահմաներում չի առարկում  «Ա. Վարպետյանի 70» ամյա հոբելյանի կազմակերպմանը (կից փաստաթուղթը ): Որոշումն անշուշտ դրական է և կանաչ լույս միջոցառմանը: Կարելի է այն ինքնին ընդունել նաև հայրենիք մեր այցելության թույլտվություն, ինչին հակված ենք շատերս:  

    Բայց ահա, հաճախ ԱԱԾ-ի նորություններին անդրադարձող և «Հայկական վարկած» հորջորջվող մի էլէկտ. թերթ, 2013/02/15 թողարկման մեջ Սերժ Սարգսյանի «քաղաքական շախմատը» հաղորդաշարի 3-րդ բաժնում, ներկայացնելով հոկտեմբեր 27-ի ահաբեկչության իր վարկածը, այն ավարտում է բացառիկ արտառոց հետևյալ եզրահանգմամբ.

    Երևույթն հիրավի արտառոց է այնքանով, որ այդ ամբողջ շարադրանքում հոկտեմբեր 27-ի ոճրագործության հետ կապված այդքան կարևոր անձանց թողած հեղինակը հիշատակում է մեզ, ակամա ակնարկելով «Ազգային խաչքար կամ Հոկետեմբեր 27-ի առեղծվածը» մեր քննախուզությունը (մասնավորպես Ն. Հունանյանի հիրավի այդքան խնդրահարույց «կարմիր թղթապանակի» վերաբերյալ ):
   Այն մենք հրապարակել էինք www.eutyun.org կայքում, իսկ անցյալ տարի մեկընդմիշտ փակել ու թաղել: Ոչ պակաս արտառոց է «27-ի քաղաքական շահարկումների երկար շրջանի վերջը» առնչել մեր ինչ-ինչ կապերի հետ: Իսկ այն, որ նման անհեթեթությունը հրապարակվում է հենց այս՝ մեր հոբելյանի կազմակերպման ժամանակահատվածում, ինքնին հուշում է ԱԱԾ գրասենյակներում մեր դեմ նոր խարդավանքներ խմորելու մասին:
   Ուստի, այդ «պրովոկացիային» մեր պատասխանը նախ հրապարակեցինք «ֆեյսբուկի» մեր էջում, ապա «ՀԵՏՔ -հետաքննող լրագրողներ» կայքէջում: Այն արդեն տարիներ է ի վեր հետևողականորեն ջանացել է լուսաբանել հայրենիքից մեր վտարման և այդքան համառ հետապնդումների առեղծվածը ( տես ներկայացված նյութի տակ հղումները ):

Ալեքսանդր Վարպետյան. ի գիտություն ԱԱԾ-ի      12:53, 16 փետրվարի, 2013     Նախաընտրական այս շրջանը հարուստ է արտառոց միջադեպերով, բայց հավելվում են առավել     ապշեցուցիչները:    «Հայկական վարկած» կայքի 2013/02/15 թողարկման, «Սերժ Սարգսյանի «քաղաքական շախմատը» հաղորդաշարի 3-րդ բաժնում, հեղինակ Ա.Վահանյանը հանգամանալից ներկայացնում է հոկտեմբեր 27-ի ահաբեկչության իր վարկածը, և այն ավարտում բացառիկ արտառոց հետևյալ եզրահանգմամբ.      «Հա, մեկ էլ «27»-ի պատմության հետ ինչ-ինչ խորհրդավոր առնչություններ ունի ֆրանսահայ    գիտնական, «Էություն ազգային իմաստնության տաճար» կոչվող կառույցի հիմնադիր Ալեքսանդր    Վարպետյանը: ԱԱԾ-ի «պասով» նրան 2002-ին արտաքսեցին Հայաստանից, և դրա միակ    պաշտոնական մեկնաբանությունն է, որ նա սպառնալիք էր մեր ազգային անվտանգությանը: Թե ինչ  սպառնալիք է կոնկրետ, արտերկրում ունեցած նրա ո՞ր կապերն են ստեղծել այդ սպառնալիքը` դեռևս  առեղծված է: Սակայն մի օր դա էլ հայտնի կդառնա… Եվ միգուցե դրանով վերջ կդրվի «27»-ի  քաղաքական շահարկումների երկար շրջանին»:     Այսու, պարզվում է, որ «27»-ի քաղաքական շահարկումների երկար շրջանին վերջ կտրվի   արտերկրում մեր ինչ-ինչ կապերի բացահայտմամբ: Ո՛չ ավել, ո՛չ պակաս:      Հիշեցնենք, որ այս արտառոց անհեթեթությունը հրապարակվում է նախընտրական մի   ժամանակահատվածում, երբ Հայապահպան նախաձեռնությունների համակարգման խորհուրդի «Ա.  Վարպետյան-70» հոբելյանական միջոցառման առնչությամբ դիմվել և ստացվել է Մշակութային  նախարարության արտոնությունը (տես ներքեւում): Մինչդեռ ՀՀ նախագահին ուղղված հայրենիք մեր  կարճատև այցելության հայցը մնացել է անպատասխան և քննարկվում է ԱԱԾ գրասենյակներում:      Նկատի առնելով, որ նշյալ կայքը հաճախ է անդրադառնում ԱԱԾ նյութերին, պետք է ենթադրել, որ   «Հա, մեկ էլ 27...» և «արտերկրում մեր ինչ-ինչ կապերի» վերջաբանը ակնհայտորեն առնչվում է վերջին   հանգամանքի հետ, ըստ երևույթին, մի նոր զրպարտանքով հիմնավորելու համար թե՛ ընթացիկ  մերժումը և թե՛ ընդհանրապես մեկ տասնամյակ է ի վեր մեր «գլխին սարքված գործը»:     Ուստի պարտ են ազդարարել.   - Սույն հայտարարությունը գալիս է աներկբա վկայելու, որ հայրենիքից մեր վտարումն ու տասնամյա  հալածանքները հիրավի կապված են հոկտեմբեր 27-ի ոճրագործության հետ:       - Իրականում, մեր վտարման ու հալածանքների բուն պատճառների փնտրտունքներն էին, որոնք   տարիներ հետո մեզ մղեցին «Ազգային Խաչքար կամ Հոկտեմբեր 27-ի առեղծվածը» քննախուզությանը:   Այն մենք հրապարակեցինք www.eutyun.org կայքում, իսկ անցյալ տարի վերջնականապես փակեցինք:     - Ոչ մեկ օտար տերություն այդ մասին տեղյակ չէ: Հետապնդումների հետ կապված ստիպված ենք    եղել գրավոր սոսկ ակնարկել միայն 1-2 երկների, այդ թվում Ֆրանսիայի իշխանություններին, հայցելով     իրենց միջամտությունը: Ոչինչ ավելին, բացարձակապես ՈՉԻ՛ՆՉ:      - Մենք մեր ամբողջ գիտակցական կյանքը կատարելապես անվարձահատույց նվիրել ենք հայ ազգի     ինքնաճանաչման, պատմական ապաքինման և հարատևման որոնումներին: Հասել ենք աննախադեպ     բացահայտումների ( կարևորագույնները՝ անտիպ) և կյանքի մայրամուտին՝ առանց երբևէ   քաղաքականությամբ զբաղվելու կամ լինելու որևէ կուսակցության թե այլ կառույցի անդամ, բացի մեր    իսկ հիմնադրած «ԷՈՒԹՅՈՒՆ» Ազգային Իմաստության Տաճարից ու նրա «Հարատևման Ուխտ»   նախորդից:     - Պատրաստ էինք ամենայն համարել անցած, այսքանից հետո շարունակել ներդնել մեր     կարողությունները նշյալ նպատակներին և երկրի բարօրությանը (այդ մասին առաջարկել ենք ՀՀ    նախագահին, նշյալ հղմամբ):        Իսկ եթե այս սովորական խառնակչություն չէ կամ ընթացիկ խարդավանք, և եթե այդ կեղտը մեր   վրայից մաքրելու փոխարեն պիտի շարունակվեն առավել բանսարկումներ, ասպետորեն   հայտարարում ենք.     Դիմելու ենք հարակից բոլոր տերություններին և համապատասխան հաստատություններին,   խնդրելով բացահայտել մեր անձի հետ կապված որևէ ապօրենի, սքող կամ կասկածելի արարք,   ինքներս մեր կողմից ներկայացնելով մեզ հետ կապված ամենայն, մինչև վերջին մանրուքը:      Հուսանք, որ այդժամ «հոկտեմբեր 27-ի» խնդրականը վերջնականապես կփարատվի:             Տես նաև՝ Բաց նամակ ՀՀ նախագահին Նորից ազգային ինքնության մասին «Ալեքսանդր Վարպետյանին կարելի՞ է» Վարպետյանը` ՀՀ անվտանգության դե՞մ Ալեքսանդր Վարպետյանն արդեն 5 տարի «սեւ ցուցակում» է                                           ( http://hetq.am/arm/news/23407/aleqsandr-varpetyan-i-gitutyun-aats-i.html )