|
 
ՀՀ նախագահության թեկնածուների հետ
“Հետք” էլեկտրոնային թերթի նախաձեռնած հարց ու
պատասխանների շրջանակում
թեկնածուներից մի քանիսին նաև հարցեր էին ուղղվել,
որոնք վերաբերվում էին Ա.Վարպետյանին Հայաստան մուտքի
արգելքին:
Ստորև զետեղում ենք այդ հարցերն ու ստացված պատասխանները,
ինչես նաև` որոշ մեկնաբանություններ: |
Հարց
Վազգեն Մանուկյանին
(
տե'ս`
http://www.hetq.am/arm/politics/7372/ )
10/12.2007թ.
Մ. Ս.
Հարգելի պարոն Մանուկյան, ինչքան գիտեմ, անձամբ ճանաչում եք
Ալեքսանդր Վարպետյանին: Տեղյա՞կ եք արդյոք, որ նրան արդեն 5 տարուց
ավել է, ինչ պարզապես չեն թողնում մուտք գործել Հայաստան: Ի դեպ,
այդ “առեղծվածը” հետաքննել է նաեւ “Հետքը”: Մի կողմ թողնելով
Վարպետյանի աշխատություններն ու գործունեությունը, որը կարծում եմ
պատշաճ ուշադրության չի արժանացել հայ հասարակության կողմից,
ինչպե՞ս եք գնահատում այն, որ այդպիսի վերաբերմունք է որդեգրվել մի
մարդու նկատմամբ, որին տարբեր ժամանակներում ու տարբեր առիթներով
քաջալերել եւ աջակցել են այնպիսի անհատներ, ինչպիսիք են` Կ.
Դեմիրճյանը, Վ. Համբարձումյանը, Գառզուն, Փարաջանովը, Ա.
Տերտերյանը, Շիրազը, Հ.Սահյանը, Էմինը եւ բազում այլ
մեծություններ: Մի՞թե սա նաեւ ազգային արժանապատվության հարց չէ,
եւ արդյո՞ք նաև քաղաքական գործիչները չպետք է հետաքրքրվեն այդ
հարցով:
Վ. Մանուկյան
Անկեղծ ասած` ես ծանոթ չեմ այդ հարցին, կփորձեմ հետաքրքրվել:
Հարց Արթուր Բաղդասարյանին
(
տե'ս`
http://www.hetq.am/arm/politics/7402/ )
21/12.2007թ.
Մ. Ս.
Հարգելի պարոն Բաղդասարյան, 05/02.2005թ. հայտնի ֆրանսահայ
ազգամշակութային գործիչ Ալեքսանդր Վարպետյանը, ի թիվս այլ բարձր
պաշտոնյաների, նաև Ձեզ` որպես ԱԺ նախագահի, բաց նամակ էր գրել`
խնդրելով պարզաբանել, թե ինչու՞ իրեն պարզապես չեն թողնում մուտք
գործել Հայաստան: Դա հրապարակվել է մի քանի լրատվամիջոցներում:
Անձամբ ես այս տարի մի շարք բարձրաստիճան պաշտոնյաների ու
քաղաքական գործիչների դիմել եմ այդ հարցի պարզաբանման խնդրանքով:
Այդ հարցով լուրջ հետաքննություն է վարել «Հետքը»: Բայց ոչ մի
լուրջ պատասխան ու բացատրություն այդպես էլ չի եղել: Անկեղծ ասած`
հույս չունեմ, որ Դուք տեղյակ եք ու կբացահայտեք այդ «առեղծվածը»,
բայց գոնե կասե՞ք, թե ինչու չեք արձագանքել Վարպետյանի այդ
նամակին: Ի դեպ, դեռ 15/12.2005թ. այն ժամանակվա օմբուդսմեն Լ.
Ալավերդյանը մի որոշում է ընդունել (գործ` թիվ 2-0340), ուր շատ
հստակ արձանագրել է մարդու իրավունքների կոպիտ ոտնահարում:
Այնուամենայնիվ, առ այսօր Վարպետյանը չի կարողանում մուտք գործել
իր հայրենիք: Արդյոք «ՕՐԻՆԱՑ ԵՐԿԻՐ» անվանմամբ կուսակցության
առաջնորդին չպե՞տք է հետաքրքրի այս հարցը:
Ա. Բաղդասարյան
Որպես ԱԺ նախագահ` Արթուր Բաղդասարյանն Ա.Վարպետյանից նամակ չի
ստացել, սակայն պաշտպանում է նրա օրինական վերադարձը հայրենիք և
տեղյակ չէ մերժման պատճառների մասին:
Ա.Վարպետյանի արձագանքը Ա. Բաղդասարյանի պատասխանին` “Հետքի” նույն
էջում.
ԱՐՈՐԴԻ (2007-12-22 12:47)
Շատ հարգելի Պրն Ա. Բաղդասարյան,
Ճշմարիտ է, անձամբ Ձեզ նամակ չեմ հղել,
եղել է Բաց Նամակ ուղղված այդժամ ՀՀ 5 բարձրաստիճան պաշտոնյաներին,
որոնց անվանապես ոչ բոլոր թերթերը հիշատակեցին:
Բոլոր դեպքերում շնորհակալություն
բարոյական սատարման համար: Իսկ եթե ցանկանաք և կարողանաք անել
ավելին, ապա կցում եմ այն կայքի հասցեն, որից Ձեր գործընկերները
կարող են տեղեկություններ քաղել և զեկուցել, անհրաժեշտության
դեպքում` օգտագործել գործնական քայլերի համար:
http://www.eutyun.am/S/2/AVG/AVG.htm
Տարիներ առաջ Ձեզ նվիրել էի ԷՈՒԹՅՈՒՆ
հատորի մեկ օրինակ. "Քաղաքական Ձեր առաքելության մեջ հաջողության
մաղթանքներով": Այն իրականացել է մասամբ: Ուստի վերանորոգում եմ
մաղթանքս` Նոր Տարվա և Սրբ. Ծննդյան լավագույն մաղթանքներով:
Ալեքսանդր Արորդի Վարպետյան
Հարցեր Վահան Հովհաննիսյանին
(
տե'ս`
http://www.hetq.am/arm/politics/7378/ և
http://www.hetq.am/arm/politics/7426/ )
Ցավոք, Վ. Հովհաննիսյանը չէր պատասխանել իրեն ուղղված այդ
հարցերին, և այստեղ զետեղում ենք միայն հարցերը:
ԱՐՈՐԴԻ (2007-12-19 04:28)
Հարգելի Պրն. Վահան Հովհաննիսյան,
1.- Հույսով եմ չեք մոռացել 1997 թ.
գարնանը , «30 +Վահան» դատավարության նիստին ամբաստանյալների օգտին
իմ անաչառ վկայությունը, որը 1999 թ. արդեն որպես ՀՀ նախագահի
խորհրդական բնորոշեցիք «այդ մեզ շատ օգնեց» գնահատմամբ: Սակայն,
ենթադրում եմ տեղյակ չեղաք, որ այդ ինձ արժեցավ Հայաստանի
երկքաղաքացիությունից զրկում (ավելի ուշ` նաև կացության
կարգավիճակի), թեև տվալ օրենքը ուժի մեջ էր 1994 թվականից, իսկ
հայաստանյան անձնագիրս` մինչև 24.04.1998 թ.: Այսուհանդերձ, ինչո՞ւ
անձամբ Դուք և ձեր կուսակցության Գերագույն Մարմինը իմ դիմելուց
հետո չմիջամտեցիք 2002 թ. Հայաստանից իմ լկտի վտարման և ոչ էլ
հետագայում մուտքի համառ արգելքների դեմ:
2. - Մասնագիտությամբ Դուք հնագետ եք:
Եվ երբ նույն 1999 թ. խորհրդականի Ձեր աշխատասենյակում զեկուցում
էի հայոց 12000-ամյա ծագումնաբանությանը վերաբերող ԾՆՆԴՈՑ-ԱՅԱ
հետազոտության վերաբերյալ, այն հայագիտության ենթատեքստում
դիտարկելու նպատակով, Դուք բացականչեցիք. «Բայց այդ աշխարհը չի
ընդունի… » ( հետո ի՞նչ, աշխարհը չի ընդունել ո'չ Եղեռնը, ո'չ
Արցախի անկախությունը… ): Այնինչ, այդժամ պետական այրերից միայն Կ.
Դեմիրճյանը հանգամանալից անդրադարձավ խնդրին, աշխարհահռչակ
հնդեվրոպաբան Վ. Իվանովը տվեց երաշխավորագիր, իսկ 2005 թ. Ռիչարդ
Հովհաննիսյանը Կալիֆոռնիայի UCLA համալսարանում ինձ հրավիրեց
զեկույցի` շրջանի ողջ հայ պրոֆեսորատի առջև, և այն ավարտեց «հարկ է
լրջորեն ուսումնասիրել այս տեսությունը», համալսարանի
գրադարանավարուհուն կարգադրելով ձեռք բերել Վարպետյանի բոլոր
գրքերը (4-ը արդեն կային): Մինչդեռ, հենց նույն 1999 թ. այդ
տեսությունը հաստատելու եկան Գյոբեկլի թեփե հնավայրի և քանի մնան
բացահայտումներ, իսկ ԱՅԱ դիցամոր շառավիղների վերաբերյալ
ԾՆՆԴՈՑ-ԱՅԱ համանման մի տեսություն դրվեց համաշխարհային գիտական
շրջանառություն, բնականաբար առանց ԱՅԱ-նախահայերի չնչին
հիշատակման:
Լավ, ՍՐԱՆՔ «իստորյու նէ պրոխոդիլի, իմ
էտո նէ զադավալի», իսկ Դո՞ւք, հնագետդ, կամ Ձեր «ամենափրկիչ»
կուսակցությունը այսքանից հետո ինչո՞ւ գոնե մի թեթև չհետաքրքրվեցիք
այդ թեմայով, երբ 2004 թ. հայրենիքից արտաքսյալիս խնդրանքով 4
ժամանոց մի տեսաժապավեն փոխանցվեց Հրանտ Մարգարյանին:
3. – Թողնենք, այս է հայրենի
հայագիտությունն ու ազգային ինքնագիտակցությունը: Սակայն մի պրպտող
հայրորդի, ասենք մի «սրբազան խենթ» վտարված է Հայաստանից և անգամ
սփյուքում ենթարկված հալածանքների` մինչև իսկ հաշվեհարդարի
սպառնալիքներով (խեղճ «հարիֆը» ակամա մի երկու բան գիտեր հոկտեմբեր
27-ից…), դուք «ամենահայերդ», մի՞թե ձեզ գոնե խորհրդածելու առիթ չի
տալիս այն հանգամանքը, որ նույն վտարանդի հայագետն առանց որևէ
արգելքի այցելել է պատմական Հայաստան, «հասել Սասուն, մտել` Վան»,
սեփական աչքերով տնտղել ու տեսագրել Չայոնու, Գյոբեկլի թեփե,
Հասսունա ու այլ այնպիսի հնավայրեր, որտեղ ոչ մի հայ հնագետ «իր
օձապորտով ու արծվաթևերով» դեռևես չի հասել: Այդ էլ «հալա հեչ»,
իսկ այդ տեսագրությունները գոնե անձամբ Ձեզ որպես հնագետի չեն
հետաքրքրո՞ւմ…
4. -Եվ վերջին մի հարց, որին խնդրում
եմ անկեղծորեն… չպատասխանել, պարզապես ստելու թե դեմագոգիայի
փորձությանը Ձեզ չենթարկելու համար: Այսքանից հետո հոգու խորքում
Ձեզ արժանի համարում էք Հայաստանի նախագահ լինելուն: Խնդրում եմ
միայն չասեք. «Ումից եք պակաս» (անշուշտ, շատերից ավելին էք…),
«ազգային գերխնդիրներ ու երազանքներ», «կուսակցական
պարտականություն», և նման հոլովումներ:
Իմ կողմից` անկեղծորեն խնդրում եմ
ներել… անկեղծությանս համար: Դե~հ, ծուռ սասունցի եմ, այսինքն`
շիտակ, գիտեմ ձեզ ու ձերոնց համար` անհարիր…
Խորին դառնությամբ և հոռի
հիասթափությամբ`
Ալեքսանդր Արորդի Վարպետյան
Հ.Գ. «ՀԵՏՔ»-ի խմբագրությանը խնդրում
եմ ներել ու չջնջել գրությունս: Հարցերը խիստ էական են և առանց
որոշ հիմանավորումների կհնչեին մերկապարանոց: Իսկ դրանք այլ տեղ`
գոնե հայատառ մամուլում, բարձրաձայնել չեմ պատրաստվում: Խոստանում
եմ չշահագործել Ձեր բարեհոգությունը: Շնորհակալություն:
Մ. Ս. (2007-12-21 14:06)
Հարգելի պարոն Հովհաննիսյան, ներքևում Ա.Վարպետյանը հարցեր էր գրել
Ձեզ: Իմ կողմից ասեմ, որ որպես սովորական քաղաքացի, ի թիվս այլ
բարձրաստիճան պաշտոնյաների, Վարպետյանին Հայաստան չթողնելու հարցը
խնդրել էի պարզաբանել նաև դաշնակցական նախարար Լ.Մկրտչյանին,
սակայն նա սահմանափակվեց ընդամենը “չեմ կարծում, որ նման
քաղաքականություն առկա է մեր երկրում” արտահայտությամբ: Անձամբ
Դուք տարօրինա՞կ չեք համարում, որ ՀՀ ԳԿ Նախարարը կարող էր այդպիսի
պատասխան տալ: Էլ չասած, որ չնայած պարոն Մկրտչյանը
հրապարակայնորեն ինձ հրավիրեց իր մոտ այդ հարցը քննարկելու (”ԱԶԳ”
օրաթերթ) ու չնայած ես իր նախարարության ադմինիստրացիայի խնդրանքով
թողել էի իմ հեռախոսահամարը, այդպես էլ այդ հրավերի հաստատումը
չեղավ: Ի՞նչ եք կարծում, խոստում չիրագործելը ավելի շատ
դաշնակցականի՞ թե՞ պաշտոնյայի հատկություն է: Ի դեպ, Վարպետյանի
«առեղծվածի» մասով շատ մանրամասներ կարող եք տեսնել
http://www.eutyun.am/S/2/AVG/AVG.htm ինտերնետային էջում:
Մեջբերենք հարցերի մի մասին Վ. Հովհաննիսյանի տրված պատասխանների
վերջում արված հետգրությունը.
Հ.Գ.
Շնորհակալություն եմ հայտնում բոլոր ընթերցողներին հետաքրքիր եւ
բովանդակալից հարցերի համար: Փորձեցի լիարժեք պատասխանել հարցերին:
Ցավոք, անհնար էր բոլոր հարցերին պատասխանել: Բայց ամեն ինչ դեռ
առջեւում է:
Տեղեկացնեմ, որ հունվարի 5-ից գործելու է նաեւ իմ
նախընտրական կայքէջը www.vahanpresident.am հասցեով, որտեղ
կպատասխանեմ մնացյալ բոլոր հարցերին, ինչպես նաեւ` հնարավորություն
կունենաք Ձեր կարծիքները, առաջարկությունները եւ հարցերն ուղղել
ինձ:
Շնորհակալություն:
Ձեր հին ընկեր`
Վահան Հովհաննիսյան
|
Խմբագրության կողմից.
Փաստորեն Վ. Հովհաննիսյանը չի կատարել իր խոստումը`
հնչեցված և պատասխան չստացած հարցերին այդպես էլ անդրադարձ
չի եղել նրա կայքէջում: |
Ա.Վարպետյանի արձագանքը Վ. Հովհաննիսյանի
"չպատասխանելուն"` նույն
տեղում.
ԱՐՈՐԴԻ (2007-12-27 12:38)
Պրն. Վ. Հովհաննիսյան (կամ նույնիսկ միջնորդ),
Չեմ կարծում, որ իմ հարցերին
չպատասխանելը մեծամտության, անտեղյակության , ոչ կարևորման կամ
պարզապես անքաղաքավարության հետևանք էր, թեև ՀՀ նախագահի լոկ
թեկնածության կարգավիճակից ում գլուխն ասեք չէր պտտվի: Ըստ իս
պատճառը ավելի խորքային է ու բավականին լուրջ, կապված
կուսակցության ինչ-ինչ դիրքորոշումների հետ, ինչպես իր «Գործք
Շնաց» գրքում (Երևան- 2006 թ.) տեղեկացնում է Շուն Շան Որդի
գրչանվամբ ձեր «հին ընկեր» Արմեն Մելիքյանը, երբ Գլենդելի
շրջանային կոմիտեում նրան հորդորել էին «հեռու մնալ Վարպետյանից»:
Ի պատասխան նրա վստահության.
« - Ես իրեն լավ կճանչնամ: Մաքուր մարդ
է, և որևէ կասկած չունիմ .- կուսպատասխանատուն հորդորել էր.
- Ընկեր, դուն ամեն ինչ չես գիտեր,
կուսակցական հրահանգ է, կուսակցությունը անպայման բան մը գիտե, որ
անանկ կըսե կոր: Օրը մը կհասկընաս:
Սպասում եմ այդ օրվան… » ( հեղինակ, էջ
143-144 ):
Ի գիտություն Վարպետյանի վտարման ու
հետապնդման առեղծվածով մոտիկ թե հեռու հետաքրքրվողներին….
Ստորև զետեղում ենք
“Ազգ” էլեկտրոնային թերթին հյուրընկալված
հասարակական-քաղաքական մի քանի գործիչների պատասխանները
այն հարցերին,
որոնք վերաբերվում են Ա.Վարպետյանին: |
Հարց
ԱԺ պատգամավոր Վիկտոր Դալլաքյանին
(
տե'ս`
http://www.azg.am/AR/0000000205 )
30/05.2007թ.
Ալեքսանդր Վարպետյան
Հարգելի պրն.Վ.Դալլաքյան
Առանձնակի ուշադրությամբ հետեւում եմ
գոյաբանական ձեր ելույթներին, ինչը մեր քաղաքական դաշտում հազվադեպ
երեւույթ է: Որպես պատմաբան, թերեւս ձեզ անծանոթ չէ նաեւ իմ
ազգանունը: Իսկ արդյոք գիտեի՞ք, որ 5 տարիներ ի վեր վտարված եմ
Հայաստանից առանց որեւէ հիմքի եւ արդյո՞ք քաղաքական գործչին չպետք
է հետաքրքրի ազգաբանի նկատմամբ նման վերաբերմունքը:
Ինչպե՞ս կարելի է կապվել Ձեզ հետ:
Իմ հասցեն` varbedian@hotmail.com
Անձնական որոշ տվյալներ www.Persons.am
կայքում:
Խմբագրությանը խնդրում եմ չարտաքսել
այս գրությունը:
Շնորհակալություն:
Վ. Դալլաքյան
Ես իմ հեռախոսի համարներն ասեմ` 588 242 (ԱԺ), բջջային` 091 40 27
49, կխնդրեի կապվել ինձ հետ` մեկ, երկրորդը` դատապարտելի եմ
համարում էն մոտեցումը, որը որդեգրվել է պարոն Վարպետյանի հանդեպ,
տեղյակ եմ, որ Ձեզ հետ այդ ձեւով են վարվել, որը ես համարում եմ
անթույլատրելի: Նաեւ տեղյակ եմ ու ծանոթ եմ Ձեր աշխատություններին,
եւ պատրաստ եմ Ձեզ հետ համագործակցել:
Հարց
ՀՀ Գիտության և կրթության նախարար Լևոն Մկրտչյանին
(
տե'ս`
http://www.azg.am/AR/0000000204 )
02/07.2007թ.
Մ. Ս.
( հարցը ներկայացվում է կրճատումներով, խմբ. )
... Վարպետյանն իր ողջ կյանքը նվիրաբերել է հայ ազգին, և
դրան ի պատասխան այսօր ՀՀ իշխանությունները արդեն հինգ տարուց
ավելի, այդ մարդուն արգելում են գոնե տուրիստական այցով մուտք
գործել Հայաստան ... Հարգելի Պարոն Մկրտչյան, մի՞ թե
Դուք, որպես Կրթության և Գիտության նախարար, Ձեր պարտքը չեք
համարում պարզել, թե ինչ է կատարվում այս առումով և ինչու՞
միջոցներ չեք ձեռնարկում վերջ դնելու այս աբսուրդին: ...
Լ. Մկրտչյան
Ալեքսանդր Վարպետյանի մասին հարցադրման մեջ մեծ հիասթափություն է
զգացվում: Ես հարց տվողին սիրով խնդրում եմ հանդիպել եւ քննարկել
հարցը: Չեմ կարծում, որ նմանատիպ վերաբերմունք կամ նմանատիպ
քաղաքականություն առկա է մեր երկրում:
|
Խմբագրության կողմից.
Տեղեկացման կարգով ասենք, որ չնայած հարց տվողը սիրով
ընդունեց այդ սիրով արված հրավերը, բայց նրա համար պարոն
նախարարի հետ հանդիպումը այդպես էլ "անհաս մնաց" ... |
Հարց
Մարդու իրավունքների պաշտպան Արմեն Հարությունյանին
(
տե'ս`
http://www.azg.am/AR/0000000201 )
26/07.2007թ.
Մ. Ս.
Հարգելի պարոն Հարությունյան, ինձ ասել են, որ Դուք տեղյակ եք, որ
մեծանուն ազգային գործիչ Ալեքսանդր Վարպետյանին արդեն 5 տարուց
ավելի պարզապես արգելում են մուտք գործել իր սեփական հայրենիք եւ
իր սեփական տուն: Ինչո՞ւ այդ հարցով պարզաբանումներ չեք տալիս:
Հուսով եմ տեղյակ եք, որ Ձեր նախորդը` հարգարժան տիկ. Լարիսա
Ալավերդյանը, այս հարցը մանրամասն ուսումնասիրել է եւ տվել է
համապատասխան եզրակացություններ, որտեղ հստակ ասվում է, որ տեղի է
ունեցել օրենքի ակնհայտ ոտնահարում:
Ա. Հարությունյան
Մենք դիմել ենք արտգործնախարարություն, հարցն ուսումնասիրել են եւ
ասել, որ իրենք, հաշվի առնելով մյուս գերատեսչությունների կարծիքը,
Ալեքսանդր Վարպետյանի մուտքը Հայաստան նպատակահարմար չեն համարում:
Նա կարող է մուտք գործել երկիր, բայց հատուկ կացությունը նրա համար
նպատակահարմար չեն համարել:
|
Խմբագրության կողմից.
Գուցե ավելորդ է, բայց նշենք, որ հարգարժան օմբուդսմենի
տեղեկատվությունն առ այն, որ "Նա կարող է մուտք գործել
երկիր..."` չէր համապատասխանում իրականությանը: Չի
բացառվում, որ արտգործնախարարությունը պարզապես խաբել է
օմբուդսմենին... |
|
|
|
