ՃԱՆԱՉԵԼ ԻՄԱՍՏՈՒԹՅՈՒՆ ԵՒ ԶԽՐԱՏ, ԻՄԱՆԱԼ ԶԲԱՆՍ ՀԱՆՃԱՐՈՅ

Սկզբնաէջ

		ԶՈՒԳԱՀԵՌ ՏԻԵԶԵՐՔ (տեղեկատվական վերլուծություններ)
	Կեղծիքներն ամեն իրագործվում են… վասն ճշմարտության, Լրբությունները` վասն սրբության, Բռնությունները` վասն ազատության, Դավերը` հանուն մի դավանանքի Ու ոճիրները` բարեգործության: Եվ հակառակը… Թե չկճպեցիք էությունը բուն` Չե’ք ըմբռնելու խայծի առակը, Չե’ք տարբերելու խայտն առաքինի ու խայտառակը…   ( Ա. Վարպետյան, «ՈԳԵԿՈՉ» հատորից )

Արդի տիեզերագիտության մեջ «զույգ տիեզերք» պատկերացումը բավականին առեղծվածային է, առնչվելով նաև Սև խոռոչների, գերլարերի M տեսության և անգամ Եզակիություն-Էության հետ (նաև Գերտիեզերքի, տե’ս «Էություն» հատորը, էջ 169-178): Այստեղ այն օգտագործվում է նաև առավել լայն ու այլաբանական բազմիմաստությամբ և նման երկվությունների զուգորդումներով (հակադիր պտտվող կեռխաչեր, չին. յին-յան սկզբունքը, «հակադրությունների պայքարի ու միասնության» դիալեկտիկական օրենքը, և այլն): Այդ բոլորի մեջ ներառվում են նաև թե’ երևույթ-էություն փիլիսոփայական կատեգորիաները, ըստ էիզմի երևութական--գաղափարական-էութենական իրականությունների, իրականություն և պատրանք հարաբերակցությունը (այդ թվում նաև այդքան խաբկանք և խարդավանքներ…), և թե’ դրանց հետ մոտիկ թե հեռու առնչվող կեցական հանգամանքներ, արտառոց թե անմեկնելի երևույթներ և ըստ էիզմի դրանց մեկնությունները: Այդ իսկ առումով սույն բաժինը նպատակահարմար չէ ընդգրկել «ԷՈՒԹՅՈՒՆ ոգե-գաղափարական համակարգ» առավել գիտա-փիլիսոփայական տարածքում: Սակայն դրանք ևս կարող են դիտարկվել «Զույգ Տիեզերքների» համաբանությամբ (ըստ հանգամանքների կջանանք գոնե դրանք հեշտությամբ կապակցել), ինչը անգամ առօրեական երևույթներին կտար տիեզերական ընդգրկում, այցելուներին` նաև համապատասխան «գիտակցություն ու կեցություն»… Ցանկալի կլիներ ձեր նկատած հիրավի արտառոց ու անմեկնելի թվացյալ երևույթների վերաբերյալ նյութերը հղել խմբագրությանը, իսկ մենք կջանանք մեր կարողությունների չափով միասին գտնել համապատասխան մեկնություն:

	01/04.2016թ. հԱՅ ԻՆՔՆԱՆՎԱՆՄԱՆ ԱԿՈՒՆՔԸ            Այս խնդրականը եղել և մնում է ծագումնաբանների, լեզվաբանների և պատմաբանների հազարամյակների գլուխկոտրուկը: Վերջին երկհազարամյակում գերիշխել է Մ. Խորենացու այն տեսակետը, ըստ որի «հայ» ինքնանվանումը գալիս է Հայկ նահապետի անվանումից: Սակայն, վերջին հարյուրամյակներում եղել են նաև այլ վարկածներ ...
	12/07.2015թ. ՁԻՈՒ ՔԱՅԼ             Երբ 2000 թ. սեպտեմբերի 15-ին , «Հարատևման Ուխտ» ծրագրի և ընկերակցության հիմքով ստեղծվեց ԷՈՒԹՅՈՒՆ Ազգային Իմաստության Տաճարը, համարյա նույն ծրագրով սունկի պես աճեցին համանման բյուր կազմակերպու-թյուններ, իսկ ԷՈՒԹՅԱՆ գաղափարները փոխառու- թյուններով թե բանագողություններով համասփռվեցին հայության ողջ տարածքով մեկ...
	11/06.2015թ. ՎԵՐՍՏԻՆ ԱՐԻՆԵՐԻ ԵՎ        ԱՐԻԱԿԱՆՈՒԹՅԱՆ ՄԱՍԻՆ          Վերջերս վերստին շատ է խոսվում արիների և արիականության վերաբերյալ, հատկապես քաղաքական նկատառումներով և ռուսական իրականությունում: Ըստ այդմ, ողջ Արևմուտքը հուդայական է, իսկ իբր արիական՝ միայն սլավոնական ճյուղը ... Եվ այս ամենը, հասկանալի է, զուտ նացիոնալիստական նկատառումներով, այն էլ պետական բարձրագույն նպատակով:
	12/12.2014թ. ...ԳԻՐՍ ՄՆԱ ՀԻՇԱՏԱԿՈՂ        Միմետիզմ Անցողիկ է ամենայն, ասես հիրավի ունայնություն ունայնությանց...         Անցնում են մահկանացուները, հանճարները, ազգերը, իրադարձությունները: Ոմանք հետքեր են թողնում պատմության մեջ, մշակույթում, մեր և մարդկության հիշողության մեջ թե նոոսֆերա-ներոլորտում, այլք փորձում են փոքր-ինչ գոյատևել ի դեմս քիչ թե շատ կայուն դամբարանների, կոթողների, տաճարների, բուրգերի և անգամ ավերումների: Մինչդեռ հանճարներն հավերժանում են իրենց աննյութական արարչագործությամբ և գլուխգործոցներով...
	21/03.2014թ. ՄԻՄԵՏԻԶՄ        Միմետիզմ (հուն. μίμος -ծաղրածու հասկացությունից, լատ. mimus-ցածրակարգ դերասան, կատակերգության մեկ տարատեսակ) - կենսաբանական գոյաձևերի միջավարի հետ նմանեցում: Երկրորդ իմաստով. այլոց վարքի ու հատկանիշների կամա-ակամա ընդօրինակումը, իմիտացիան, պատճենում կամ պարզապես կապկումները:
	3/03.2014թ. Լեւոն Խեչոյանի «Մհերի դռան գիրքը»     Վերջին տասնամյակներում «Սասնա Ծռեր» տիեզերավեպին, և մասնավորապես «Փոքր Մհերի» դրվագին հաճախ են անդրադարձել: Դրանցից մեկն էլ վաղամեռիկ Լևոն Խեչոյանի վերջերս այդքան արծարծվող «Մհերի դռան գիրքն» է, որի շնորհանդեսը կայացավ 28.02.2014 թ....
	09/02.2014թ.                     ԵՎՐՈՊԱ                                                                                               ( աշխարհագրական տեղանվան ստուգաբանությունը)     Ըստ ավանդույթի Եվրոպա մայրցամաքի անվանատուն, փյունիքյան Տիր քաղաքի Ագենոր արքայի Եվրոպե դուստրն է, Կադմոսի և Փյունիկսի քույրը, որին Զևսը սպիտակ ցլան կերպարանքով փախցրեց Կրետե կղզի, որտեղ ծնում է Մինոսին, ապա դառնում Կրետեի արքա Աստերիոնի կինը...
	18/02.2012թ.                                    «ԱԼ»  ՁՆԾԱՂԻԿՆԵՐ...                 Անմիջապես հիմնադրման օրվանից  ի վեր, «ԷՈՒԹՅԱՆ» գաղափարները շարունակում են ծլարձակել թեՙ հայ և թեՙ համամարդկային գիտակցության անդաստաններում: Համամարդկային` երրորդ հազարմայակի, Ջրհոս դարաշրջանի, «տիեզերական գարնան» և մեզանից անկախաբար, պարզապես գիտական ամենատարբեր բացահայտումների բնականոն բերումով: Հայ անդաստանում` մասամբ այդ, բայց մեծամասամբ  «ԷՈՒԹՅՈՒՆ»  Ազգային Իմաստության Տաճարի ճառագմամբ: Դրա ընթացիկ ծլարձակումներից են Ռուսաստանում Է-Ազգային Իմաստության դպրոցների կազմավորումները, Մոսկվայում, Սանկտ Պետերբուրգում, Ուլյանովսկում ...
	25/05.2011թ. ՀԱՅԱԳԻՏՈԻԹՅԱՆ «ՄԻԱԿ ՏՂԱՄԱՐԴԸ»       Գյուղացի Համբոյի տունը իրապես կռիվ էր ընկել… Բայց այս անգամ քաղաք էր գնալու ոչ թե խեղճուկոտոր Գոքորը` այլ հենց Համբոն, հասնելու էր ոչ թե Թիֆլիս` այլ… Հոլանդիա և վերադառնալու էին ոչ թե նրա քրջերը` այլ անձամբ, համարյա …  Ռոմբոն…
	7/02.2011թ. ՀԱՅԱԳԻՏՈԻԹՅԱՆ «ԱՆՈՒՇԻԿ» ԴԵՄՔԸ       Տարբեր առիթներով արծարծել ենք Էության գաղափարների ներգործության, համասփռման, փոխառությունների թե բանագողությունների ֆենոմենը, և այդ հիմնականում առանց աղբյուները նշելու: Հայտնել նաև 1990թ. ի վեր «Հանրապետական» կուսակցության և նրա ղեկավարության հետ մեր գաղափարական համագործակցության մասին, որի բնականոն արդյունքն եղավ 15.08.2002 թ. ՀՀ կառավարության  N°13002-Ն որոշմամբ հայագիտության գերկարևորումը և դասումը ՀՀ գիտությունների զարգացման առաջին աստիճանում...
	23/01.2010թ.  ՃԱՆԱՉԻՐ ԶԽՐԱՏ ԵՎ ԶԻՄԱՍՏՈՒԹՒԻՆ...         «Մոգական 7 թիվը» քննախուզության բնաբանում արծարծվեց մշակութային աննյութական ժառանգության, հավաքական հիշողության, ենթագիտակցության ու գիտակցության, Դ.Վարուժանի և այլոց  «հոգևոր հայրենիքի» խնդրականը, որպես Է-Էություն ուսմունքի առանցքային հիմնադրույթներից մեկը: Զի, ըստ այդմ տարբերակվում են երևութական, գաղափարական և էութենական իրականություններ, որոնք գտնվելով տարբեր հարթություններում կամ «չափություններում» հիրավի կարող էին դիտվել որպես «Զուգահեռ Տիեզերքի» համաբանություններ:      Այդպես էլ բացի շոշափելի նյութական մշակույթից և հնագիտական արտեֆակտերից կան նաև կատարելապես աննյութական «պեղածոներ», որոնք կարող են լինել ինքնության առավել վստահելի ցուցիչներ ու փաստարկներ` քան դրանց առարկայական զուգահեռները:
	16/05.2009թ. ԱՅՈՆ.  ՀԱՎԵՐԺՈՒԹՅԱՆ ԱՇՏԱՐԱԿԸ         Շրջանառության մեջ է ԱՅՈՆ. ՀԱՎԵՐԺՈՒԹՅԱՆ ԱՇՏԱՐԱԿԸ խորագրով (AION: Tower of Eternity) և գեղեցիկ պատկերավորմամբ էլէկտրոնային նոր մի խաղ: Հեքիաթային սյուժեն դասական է, չարի և բարու հավերժ հակամարտությունը, ճշմարտի, վեհության և առաքինությունների վերջնական հաղթանակի և հավերժության տեսլականով: Տվյալ դեպքում այդ տեղի է ունենում երևակայական Աստրեյա մոլորակի վրա, ի դեմս Ելիսեյյան և Ասմոդեյյան հակընդդեմ խմբավորումների, որոնց ընդհանուր թշնամիներն են Բալորները: Անվանումները դիցական են, վերցված առաջավորասիական ավանդապատումներից, մեզ առանձնապես հետաքրքրող Այոնը` նույնպես:         Այոնը արևմտասեմական դիցարանում նախաստեղծ Քամու դուստրն է (քաոսի օդային տարբերակը, եղբայրը` Պրոտոգոն-Առաջնածին)...
	13/02.2009թ. «Փոքր Մհերին ընդառաջ» Խոհեր հայոց ինքնության, ճակատագրի ու հնարավոր շարունակելիության վերաբերյալ (Երևան-2003, 20 էջ): http://www.conservative.am/?i=200&sh=11&ej=1 Հեղինակ` Գևորգ Սարգսյանց           ԽՍՀՄ ՊԱԿ-Ի պաշտոնաթող գնդապետ, գաղափարական վարչության երբեմնի պետ: Այժմ դասախոսում է «Քաղաքական հոգեբանության» և «Հատուկ ծառայությունների հոգեբանության» հատուկ կուրսեր:          Ինչպես ֆիզիկական ուժերի պարագայում, գաղափարների զորությունները ևս չափվում են իրենց ներգործությամբ, իսկ արդի գիտական աշխարհում` գիտահետազոտական տարբեր փորձասենյակներում ու շրջանակներում այս կամ այն տեսությունների թե վարկածների հիշատակման կամ օգտագործման հաճախակիությամբ...
	09/12.2008թ. ՔԱՐԱՀՈՒՆՋ         Սիսիան քաղաքի մոտակայքում գտնվող մեգալիտյան այս կառույցը միշտ էլ հետաքրքրել է բոլորին, այդպես էլ մնալով առեղծվածային: Վերջին տասնամյակներում դրանով զբաղվել են հնագետ Խնկիկյանը, 1983թ.` աստղագետ Էլմա Պարսամյանը (մեծամորյան աստղադիտարանի և Քարահունջի անդրանիկ հետազոտողը), իսկ 1994 թվականից` ռադիոֆիզիկոս Պ. Հերունին (մասնավորապես հայոց ծագումնաբանական ալիքի բերումով):         Այն իրենից ներկայացնում է 0,5-3 մ բարձրությամբ, մինչև 10 տ բազալտե 204 քարաբեկորներով կառուցապատված մի հնավայր, որոնք դրա կենտրոնում կազմում են 43-37 մ տրամագծով օվալաձև մի շրջան` երկայնական առանցքով ուղղված դեպի արևելք- արևմուտք: Որոշ քարաբեկորներ իբր կենդանանման են, իսկ 76-ը ունեն 5-6 սմ անցքեր (Նկ.1a-b), ուղղված երկնային մարմիններին ու համաստեղություններին, ինչն էլ հուշում է կառույցի աստղադիտական նշանակությունը, իսկ հետագա «քրիստոնեացման» խաչերը` երբեմնի հավատամքային բնույթն ու հեթանոսական ավանդույթների զորությունը (Նկ. 2)...
	31/07.2008թ. ԿՅԱՆՔԻ ԱՐՏԵՐԿՐՅԱ ԾԱԳՈՒՄԸ         Ընթացիկ ևս մեկ գիտական բացահայտում եկավ ամրագրելու էիզմ-Էություն տեսությունը: Դեռևս 1995 թ. հրապարակված համանուն աշխատության մեջ արդեն խոսվում էր վերոնշյալ վարկածի մասին (էջ 192-194): 1950-ական թվականներին ԱՄՆ փորձասենյակներում հաջողվել էր նախամթնոլորտային քիմիական պարզ նյութերի խառնուրդով (ջրածին, ջուր, ամոնիակ, մեթան ևն ) և դրա էլեկտրական պարպումներով ստանալ պրոտեինով ու նուկլեինային թթվով հարուստ գորշավուն մի կենսանյութ: Պրոտեինները բուսական ու կենդանական բջիջների հիմնական մասը կազմող սպիտակուցային նյութեր են, իսկ նուկլեինային թթուններն հանդիսանում են կենդանի բարդ համակարգերի հիմնական կառուցվածքները: Այդպես, 1969 թ. Ավստրալիայում ընկած Murchinson մետեորիտի վրա արդեն գտնվել էին տարրական կենսամասնիկներ: Սակայն, բոլորովին վերջերս բրիտանական Earth and Planetary Science Lettres հանդեսում հրապարակվեցին նույն Murchinson մետեորիտի անգլո-ամերիկյան նոր հետազոտության արդյունքները...
	10/07.2008թ. ՀՈՄԵՐՈՍԸ ԿԻԼԻԿԵՑԻ ?         Եվրոպական աշխարհը փոթորկումների նախաշեմին է: Զի հարցականի տակ է դրված նրա քաղաքակրթական բնօրրանը, ինքնությունն ու արարչական արժանապատվությունը: Պատճառը ավստրիացի գրող ու թարգմանիչ Raoul Schrott-ն է, «Homers Heimat» գրքի հեղինակը («Հոմերոսի հայրենիքը»), որը վերջերս ավարտել է «Իլիականի» նոր թարգմանությունը, և «համեմատական գրականության» սկզբունքով ընտրել մոտ 1400 գիտական տվյալներ ու դրանք առնչել Կիլիկիայի, Հոմերոսի և «Իլիականի» հետ: Ըստ այդմ, նա եկել է համոզման, որ Հոմերոսը ծագմամբ կիլիկեցի է, ավելի ստույգ` Ադանայից, իսկ «Իլիական»-ում ներկայացված Տրոյան անհիշելի ժամանակներից բնակեցված տեղի Karatepe կոչված հնավայրն է...
	07/06.2008թ. ԴԱՐՁ Ի ՇՐՋԱՆՍ ՅՈՒՐ...         Ֆրանկո-բելգո-գերմանական Arte հեռուստաընկերությունն ունի կիրակնօրյա Karambolage զվարճական ծրագիրը, որը ներառում է նաև ստուգաբանական մտախաղեր: Սույն տարվա մայիսի 25-ի երեկոյան ծրագրում ֆրանսերեն eau-ջուր բառի ստուգաբանությունն էր, բեռլինյան ոմն գրականագետի մեկնությամբ:         Ըստ լեզվագիտության ու նրա, ֆրանս. eau-ջուր եզր սերվում է լատ. aqua նախատիպից, որն ունի իսպան. agua, բայց նաև պրովանսալ aigue (Aigue-Mortes en Camargue բառացի «Մեռյալ ջրեր»-ճահճուտ, հայ. մոր...) և Aix զուգահեռները, ինչպես Aix-en-Provence քաղաքանունը և «ջուր» բովանդակությամբ ու այդ մասնիկով ևս 11 Aix քաղաքանուններ: Սակայն, դրանց հարկ է հավելել Ay գետանունը (թափվում է Լա Մանշում), Ay գետը (Արդեշում), Ain գետ (համանուն նահանգում) ու շատ այլք, բոլորն էլ դեռ միայն Ֆրանսիայում...
	07/03.2008թ. ԶԻԳՖՐԻԴ –ARMINIUS ?         Սույն նյութը հարկ է զուգորդել այստեղ ներկայացված «Նեբրայի երկնային սկավառակը» քննախուզության հետ, որպես հայ-եվրոպական հնագույն փոխառնչություններին հարակից մեկ դրվագ, իսկ դրանց ամբողջությունը` ԾՆՆԴՈՑ-ԱՅԱ ծագումնաբանական տեսության:         Հիշեցնենք, որ այն ԷՈՒԹՅՈՒՆ ոգե-գաղափարական համակարգի հիմնական երեք բաղադրիչներից ընդամենը մեկն է, մնացած երկուսը ` ԷՈՒԹՅՈՒՆ-էիզմն իմաստախոսական ուսմունքն ու ԷԱԿԱՆՔ («Ազգ և նոր հազարամյակ») քառագիրք նախածրագիրը: Ըստ էության, գիտահետազոտական այս «եռերգությունը» լոկ կարգակոչի պես այդքան թմբկահարվող «Ո՞վ ենք, որտե՞ղից ենք գալիս և ո՞ւր ենք գնում» գոյաբանական գերխնդրականի առայժմ միակ մշակված դասամատյանն ու ուղեցույցն է, և հայոց 12000-ամյա ծագումնաբանության անցյալ-ներկա-ապագա տրամագրի երևակումը, գաղափարայնացումն ու ծրագրավորումը...
	14/02.2008թ. ԿՐԵԱՑԻՈՆԻ՞ԶՄ ԹԵ՞ ԷՎՈԼՅՈՒՑԻՈՆԻԶՄ         Հավատամքներից փիլիսոփայության տարանջատումից ի վեր, և զուգահեռ թեիզմ-աթեիզմ հակադրության ու իդեալիզմ - մատերիալիզմ «փիլիսոփայության հիմնական հարցի», գիտությունների զարգացմամբ սկզբնավորվեց նաև կրեացիոնիզմ (բառ. արարչականություն, ըստ Աստվածաշնչի) և էվոլյուցիոնիզմ (ըստ դարվինիզմի) տիեզերածնական աշխարհայացքների սուր հակամարտությունը: Վերջերս այն նոր ու փոթորկուն թափ է ստացել արևմտյան քաղաքակրթություններում, որտեղ ԱՄՆ-ի 70% հարում է կրեացիոնիզմին, իսկ Եվրոպայում արդեն վարակել է ազգաբնակչության 45% , թափանցելով անգամ դպրոցներ ու հոգևոր-մշակութային աշխարհ: Այդ հանգամանքը խիստ անհանգստացել է համաեվրոպական բարձր մտավորականությանը, որտեղ կրոնը բաժանված է պետությունից, կեցությունը հիմնականում աշխարհիկ է, իսկ փիլիսոփայական միտքը` գերազանցապես գիտական-մատերիալիստական, ինչպես սկզբնավորվել ու զարգացել է հատկապես 18-19-րդ դդ «ինդուստրիալ հեղափոխությունից» հետո...
	03/02.2008թ. ԻՆՔՆՈՒԹՅՈՒՆ...         Վերոնշյալ հասցեով «ՀԵՏՔ» էլեկտ. թերթն իր 28.01.2008 թ. թողարկաման մեջ հրապարակել է «Արարատ» ռազմավարագիտական կենտրոնի տնօրեն, քաղաքական գիտ. դոկտոր Արմեն Այվազյանի «Հայկական ինքնության գրավականները կամ ո՞վ է հայը» խիստ հավակնոտ խորագրով մի ակնարկ: Կարելի էր այն ընդունել որպես սոսկ տեսակետ ու դրան չանդրադառնալ, եթե միայն այս խառն ու խրթին ժամանակներում այն չպարունակեր ազգային բուն գերխնդրականներից շեղման, ցավոտ հանգամանքների շահարկման և գաղափարական մոլորությունների վտանգ, և եթե լիներ միայն եզակի դեպք: Իսկ թե որքանով կարող են նման հարցերը առնչվել «Զույգ Տիեզերքներ» ենթաբաժնի հետ, ապա երևի այնքանով` որքանով նույն իրականության վերաբերյալ ներկայացնում են այլաբանորեն տարբեր աշխարհներ ու զուգահեռ աշխարհայացքներ…
	25/01.2008թ. ՈՂԲԵՐԳԱԿԱՆ ՄԻՋԱԴԵՊ         Այս օրերին Scotland Yard գործակալությունը հետաքննում է Մեծ Բրիտանիայի հարավում, յոթ պարման-պարմանուհիների ինքնասպանության դրդապատճառները: Հաստատված է, որ նրանցից ոմանք ճանաչել են միմյանց, կապված են եղել համացանցային Bebo սոցիալիզացման կայքով ու տարբեր ժամանակ թողել այնտեղ դժվարըմբռնելի գրություններ: Ըստ վարկածներից մեկի, միօրինակ գտնելով տեղական առօրյան և ինչ-որ կերպ իմաստավորելու համար իրենց գոյությունը, նրանք որոշել են «անմահանալ» համացանցում, ինչը փաստորեն մասամբ նրանց, ավա~ղ, հաջողվել է…
	22/01.2008թ. ՈՂԲԱՄ ԱՊՐՈՂԱ~Ց` ԿՈՉԵՄ ՄԵՌԵԼՈ~Ց…         Անդրանիկ սույն միջադեպով, ԷՈՒԹՅՈՒՆ գիտամշակութային և ոգե-գաղափարական կայքը բացում է նոր մի ենթաբաժին, որտեղ էիզմի տեսանկյունից պարբերաբար կանդրադառնա համաշխարհային և ներհասարակական նշանակալից իրադարձություններին, տալով ոչ մեկին չպարտավորեցնող, յուրօրինակ իր մեկնություններն ու դիտարկումները, կամ պարզապես ուշագրավ տեղեկություններ:        Իսկ այս միջադեպին արդեն անդրադարձել են հայրենի մի քանի լրատվամիջոցներ...