Eutyun
ՃԱՆԱՉԵԼ ԻՄԱՍՏՈՒԹՅՈՒՆ ԵՒ ԶԽՐԱՏ, ԻՄԱՆԱԼ ԶԲԱՆՍ ՀԱՆՃԱՐՈՅ
  Սկզբնաէջ      
 
 
Բոլոր թեկնածուները`
տարիքային հերթականությամբ
Լ.Տեր-Պետրոսյան Տ.Կարապետյան Վ.Մանուկյան
Ա.Գեղամյան Ս.Սարգսյան Վ.Հովհաննիսյան
Ա.Հարությունյան Ա.Մելիքյան Ա.Բաղդասարյան
Նախագահական
ընտրություններ
2008

Վայ նրան, որ տուն է շինում ոչ արդարությամբ
և վերնահարկ է կառուցում ոչ իրավունքով:
  Փավստոս Բուզանդ
  
Եթե Հայաստանի մեծամեծները թողնեն իրենց անկարգ
ճամարտակելը միմյանց դեմ, միաբան լինեն
և չլինեն հետևող եղբայրասպան Կայենին,
այն ժամանակ ոչ թե թշնամիները հայերին,
այլ հայերը իրենց թշնամիներին գետնին կտապալեն:
  Հովհաննես Դրասխանակերտցի
  
Կրոնների պես հայրենիքներն էլ պահանջում են, որ իրենց
սպասարկողի ձեռքերը լինեն տաք եւ մաքրամաքուր:
  Գարեգին Նժդեհ
       10/12.2007թ.
  
Ինչքան էլ աշխուժանում է քաղաքական դաշտը և ընդհանրապես` ամբողջ հանրությունը, այնուամենայնիվ արդեն միայն “ընտրություններ” բառը շատ զավեշտական է հնչում մեր ներկա իրողությունների պայմաններում: Այդուհանդերձ, զուտ խորհրդանշական իմաստով օգտագործելով այդ բառը` կհետևենք այս ընտրություններին և կփորձենք մասամբ լուսաբանելով ու հնարավորինս օբյեկտիվ գնահատականներ տալով, ամփոփ արձանագրել ամբողջ գործընթացը: Հատուկ նշենք, որ չնայած չունենք կողմնորոշում որևէ թեկնածուի նկատմամբ ու քանի որ սա ամենևին էլ ընտրությունները լուսաբանող պաշտոնական էջ չէ, ապա ամենևին չենք խորշի գնահատականներ տալուց և մեր տեսակետները անկաշկանդ կներկայացնենք:
 
04/04.2008թ.
ԸՆՏՐԱԿԱՆ ԱՐԴՅՈՒՆՔՆԵՐԻ ԱՄՓՈՓՈՒՄ


29/03.2008թ.
ԳԱՐՆԱՆԱՄՈՒՏ 2008

  
26/02.2008թ.
ԸՆՏՐԱԿԱՆ ՀԱՅԵՑՈՒՄ

  
06/02.2008թ.
“ՔՍԱՆ ՏԱՐԻ ԱՆՑ”…

  
25/12.2007թ.
"Հետք" ինտերնետային կայքի (www.hetq.am)
բացառիկ նախաձեռնությունը
  
        "Հետքը" բոլոր թեկնածուներին հրավիրում է պատասխանելու ընթերցողների հարցերին: Այս նախաձեռնության բացառիկությունը ոչ միայն աննախադեպության մեջ է, այլև այն բանի, որ այս չմիջնորդավորված շփումը ընտրողների հետ հնարավորություն է տալիս թեկնածուների մեջ բացահայտել այնպիսի հատկանիշներ, որոնք այլ պարագաներում չէին երևակվի:
       Վստահ չենք, որ բոլոր թեկնածուները կունենան համարձակություն գնալու այսպիսի անմիջական շփման "ռիսկին", վստահ չենք նաև, որ հրավերն ընդունած բոլոր թեկնածուներն իրենց պատասխաններում կլինեն լիովին անկեղծ և անմիջական, բայց որ այս նախաձեռնության արդյունքում կարելի կլինի լուրջ հետևություններ անել ու տալ համապատասխան գնահատականներ` ակնհայտ է:
Վազգեն Մանուկյան (պատասխանել է բոլոր հարցերին)
Հարցեր Պատասխաններ
Շարունակություն
Արթուր Բաղդասարյան (ոչ բոլոր հարցերին է պատասխանել)
Հարցեր Պատասխաններ
Վահան Հովհաննիսյան(հարցերի մի մասին է պատասխանել)
Հարցեր Պատասխաններ
Արման Մելիքյան(պատասխանել է բոլոր հարցերին)
Հարցեր Պատասխաններ
Արամ Հարությունյան(ոչ բոլոր հարցերին է պատասխանել)
Հարցեր Պատասխաններ
  
25/01.2008թ.
Թեկնածուների նախընտրական
ինտերնետային կայքերը
  
Մենք ուրախ կլինեինք, որ բոլոր թեկնածուներն էլ ունենային պաշտոնական նախընտրական կայքեր, և բոլորի հղումներն էլ այստեղ ներկայացնեինք: Բնականաբար կարող ենք ներկայացնել միայն նրանցը, ովքեր ունեն այդպիսի կայք:
  
ՎԵՐԱԻՄԱՍՏԱՎՈՐԵԼՈՎ ԱՆՑՅԱԼԸ ` ԴԵՊԻ ԱՊԱԳԱ
  

Լևոն Տեր-Պետրոսյան
  
  
ԵԿԵՔ ՏԵՐ ԿԱՆԳՆԵՆՔ ՄԵՐ ԵՐԿՐԻՆ, ՄԵՐ ՀԱՂԹԱՆԱԿՆԵՐԻՆ
  

Վազգեն Մանուկյան
  
  
ԱՌԱ'Ջ ՀԱՅԱՍՏԱՆ
  

Սերժ Սարգսյան
  
  
ՄԵՐ ՀԻՆ ԸՆԿԵՐԸ ՆՈՐ ՆԱԽԱԳԱՀ
  

Վահան Հովհաննիսյան
  
  
ԲԱՑ ԱՐԱ ԱՉՔԵՐԴ ՀԱՅԱՍՏԱՆ
  

Արթուր Բաղդասարյան
  
11/02.2008թ.
Թեկնածուների հնարավորությունները
և նրանց սատարող ուժերը
Ի՞նչ ռեսուրսներ ունեն թեկնածուները, ովքե՞ր և ի՞նչ ուժեր են նրանց աջակցում, ո՞րն է յուրաքանչյուրի ընտրազանգվածը: Իհարկե շատ բաներ մեզ չի էլ կարող հայտնի լինել, շատ բաներ կարող ենք միայն կռահել, բայց ամեն դեպքում փորձ ենք անում հնարավորինս ամփոփ ներկայացնել այդ ինֆորմացիան:
  
30/01.2008թ.
Թեկնածուների տեսակետներն ու մոտեցումները
Այստեղ խմբավորած ներկայացնում ենք թեկնածուների տեսակետներն ու մոտեցումները ներքոնշյալ հիմնահարցերի վերաբերյալ.
 1. Գիտակցություն, բարոյականություն, գաղափարախոսություն
2. Մարդու իրավունքներ, ազատություն
3. Օրենքի իշխանություն, արդարություն
4. Կրթություն, դաստիարակություն
5. Պաշտպանունակություն, բանակ
6. Արտաքին դիվանագիտություն
7. Սփյուռք, ազգային ինքնակազմակերպում
8. Տնտեսություն
9. Սոցիալական հարցեր, կենսամակարդակ
10. Մշակույթ
11. Արցախյան հիմնախնդիր
12. Հոկտեմբերի 27-ի բացահայտում
  
10/01.2008թ.
Մեր նախորդ համապետական ընտրությունները
Համառոտ ներկայացնում ենք մեր երկրում տեղի ունեցած նախագահական (1991, 1996, 1998, 2003) և խորհրդարանական (1995, 1999, 2003, 2007) ընտրությունների առանձնահատկությունները և արդյունքները:
  
25/12.2007թ.
Ովքե՞ր են մեր նախագահության թեկնածուները
  
Բարձր հնարավորություններով թեկնածուներ
        Սերժ Սարգսյան,
"ՀՀԿ" առաջադրում, ՀՀ վարչապետ
Բնականաբար նա հայաստանյան պայմաններում հանդիսանում է ամենահիմնական թեկնածուն: Նորություն չէ, որ Հայաստանում իշխանական ապարատը հանգիստ ապահովում է հավելյալ 30-35 տոկոս ձայն, իսկ ճիգեր գործադրելով կարող է այդ թիվը ընդհուպ հասցնել 50-ի: Եւ այն, որ այս թեկնածուն հենվելու է պետական ապարատի վրա, արդեն հակազդեցություն է առաջացնում` խամրեցնելով նաև նրա արժանիքները, որոնք քիչ չեն:
        Լևոն Տեր-Պետրոսյան,
ինքնաառաջադրում, ՀՀ առաջին նախագահ
Երկրի առաջին նախագահի վերադարձը լրջորեն ցնցեց և աշխուժացրեց ամբողջ քաղաքական դաշտը: Եւ այն, որ գործող իշխանությունները անչափ նյարդային ձևով արձագանքեցին նրա հայտնվելուն, խոսում է այն մասին, որ առաջին նախագահը լրջորեն սպառնում է գործողների ինքնավերարտադրությանը: Ակնհայտ է նաև, որ այս թեկնածուն լուրջ միջոցների և կապերի է տիրապետում:
  
Լուրջ թեկնածուներ
       Վազգեն Մանուկյան, "ԱԺՄ" առաջադրում 
Ցավալի է, որ այս թեկնածուին բարձր հնարավորություններ ունեցողների շարքին չենք կարող դասել: Իր բացթողումներով հանդերձ, նա մեկ անգամ չէ, որ ապացուցել է իր բարձր վերլուծական ունակությունները, ազնվությունը և սկզբունքայնությունը: Չպետք է մոռանալ նաև, որ նա եղել է շարժման գլխավոր առաջնորդներից մեկը:
       Վահան Հովհաննիսյան, "ՀՅԴ" առաջադրում
Թերևս հենց միայն դաշնակցության թեկնածու լինելը տրամադրում է նրան լուրջ վերաբերվել: Թեկնածուն ինքն էլ մշտապես իրեն բավականին լավ է դրսևորել: Սակայն դաշնակցության այս մոտ տաս տարիների ընթացքում ո'չ իշխանություն ո'չ ընդդիմություն կարգավիճակը ոչ մի իրական շանս չի թողնում այս թեկնածուի համար:
       Արթուր Բաղդասարյան , "ՕԵԿ" առաջադրում
Ամեաերիտասարդն է, բայց ափսոս որ ամենևին էլ թարմ գաղափարներով հանդես չի գալիս և գրեթե կրկնում է իր ավագների խոսքերն ու գործելաոճը: Բայց փաստ է, որ կայացած գործիչ է և իր կուսակցությունն ունի բավականին կուռ կառույցներ: Նաև ցավալի է, որ նրա նախկին անհաջող կադրային քաղաքականությունը դեռ երկար կազդի նրա վարկանիշի վրա:
  
"Ֆոնային" թեկնածուներ
       Արտաշես Գեղամյան, "ԱՄ" առաջադրում
Արտասովոր ունակությունների ու քաղաքական փորձի տեր գործիչ է: Բայց ցավոք 2003թ. ընտրությունները շատ հստակ ցույց տվեցին և հետագայում էլ ավելի բացահայտեցին, որ նա իրական քաղաքական նպատակներ չունի, և իշխանությունների համար բավականին վերահսկելի գործիչ է: Ափսոս… նրա գիտելիքները  կարելի էր ավելի լավ բանի ծառայեցնել:
       Տիգրան Կարապետյան. "ԺԿ" առաջադրում
Թերևս միակ թեկնածուն է, որն "օֆիցիալ" միլիոնատերի կարգավիճակ ունի: Բայց կան խոսակցություններ ու երևի ոչ անհիմն, որ նա լիովին գտնվում է իշխանությունների վերահսկելիության տիրույթում: Ի տարբերություն շատերի` այս թեկնածուին այնքան էլ անլուրջ չենք վերաբերվում, թեկուզ միայն նրա համար, որ այդ մարդը ժողովրդի մի ստվար զանգվածի կողմից իրոք ունի պահանջարկ:
       Արամ Հարությունյան, "ԱՀԿ" առաջադրում
Այս թեկնածուի մասնակցության մոտիվացիան ամենաանհասկանալին է: Դժվար է հավատալ, որ նա որևէ մեկի պատվերն է կատարում: Հետաքրքիր է սակայն, որտեղի՞ց նրան այդ ավելորդ ութ միլիոն դրամը, որն անուշտ հայաստանյան պայմաններում փոքր գումար չէ: Ու դժվար նա հաճույքի համար ցանկանար ստուգել` 0.06 թե 0.07 տոկոս են կազմում իր համակիրները:
       Արման Մելիքյան, ինքնաառաջադրում
Թերևս ամենաանսպասելի թեկնածուն է, և բնականաբար դժվար է միանգամից հետևություններ անել նրա մասնակցության բուն շարժառիթների ու նպատակների մասին: Ամենայն հավանականությամբ այս թեկնածուն ներդրվել է զուտ քարոզչական նպատակներով` երևի կապված արցախյան հիմնախնդրի հետ: