ՃԱՆԱՉԵԼ ԻՄԱՍՏՈՒԹՅՈՒՆ ԵՒ ԶԽՐԱՏ, ԻՄԱՆԱԼ ԶԲԱՆՍ ՀԱՆՃԱՐՈՅ
  Սկզբնաէջ      
 
 

Նախագահական ընտրություններ 2008  


Թեկնածուների հնարավորությունները
և նրանց սատարող ուժերը
Որքան որ հազվադեպ է իսկական սերը,
իսկական ընկերությունը ավելի հազվադեպ է:
  Լառոշֆուկո
  
Ձին մի բան է մտածում, իսկ հեծյալը` մի այլ բան:
  Ջոն Ռեյ
  
Մեծ նպատակների իրականացման միջոցով
մարդ իր մեջ հայտնաբերում է ուրիշների համար
իրեն փարոս դարձնող և մեծ բնավորություն:
  Հեգել
  
Ոչ մի նպատակ այնքան բարձր չէ, որպեսզի
արդարացնի նրան հասնելու անվայել միջոցները:
  Էյնշտեյն
    11/02.2008թ.
  
Բնականաբար ընտրություններում մեծ նշանակություն ունի այն, թե որ թեկնածուին ի՞նչ ուժեր են սատարում: Լավ կլիներ, որ ամենաորոշիչ դերն ունենար հայ մտավորականության կողմնորոշումը: Ցավոք այժմ ծիծաղելի է անգամ այդ մասին հիշատակելը: Այսօր շատ ավելի մեծ դերակատարություն ունեն կոռումպացված իշխանությունների հովանավորյալ օլիգարխները, տեղական ինքնակառավարման իբրև ընտրովի, բայց իրականում ստրկամիտ ու խեղճ ղեկավարները, ուժային գերատեսչությունների չինովնիկների մի ստվար մասը, որոնց գործունեությունը հաճախ դուրս է գալիս իրենց լիազորությունների շրջանակից: Ինչ մնում է զանազան կուսակցություններին, հասարակական կազմակերպություններին կամ "էստրադային աստղերին", ապա նրանց դերը լավագույն դեպքում շատ համեստ է, իսկ հիմնականում` "արջի ծառայություն": Իսկ ամենացավալին այն է, որ ամենամեծ դերակատարությունը արտաքին ուժերինն է, լինեն դրանք գերտերություններ, օտարերկրյա հատուկ ծառայություններ թե զանազան "կորպորացիաներ"... Եվ ինչպես ժողովրդական առածն է ասում` "Անտերին գելն է կերել, տերովին` տերը": Այսպես կերվել ենք ու էլի կուտվենք, եթե շարունակենք հայի վերջին խելքով ողբալ մեր վիճակը և չանենք համապատասխան հստակ հետևություններ:
Ինչպես 1996, 1998, 2003 թվականներին, այս անգամ ևս, իշխանական թեկնածուն նպատակին հասնելու միջոցների ընտրության հարցում բարոյական և իրավական արգելքների առջև կանգ չի առնում: Հերթական անգամ գործի է դրվում վարչական ողջ մամլիչ մեքենան...
  
 
Հանրապետության առաջին նախագահին հաջողվեց հասարակական լայն շերտերի համախմբել իր շուրջը: Նրա հաղթանակի հնարավորությունը ավելի է մեծանում, եթե հաշվի առնենք որ նրա նկատմամբ ո'չ ռուսական և ո'չ էլ արևմտյան գերտերությունները հակատրամադրված չեն...
  
 

Ինչպես 1998թ.-ին, այս անգամ էլ այս գործչին չհաջողվեց իր շուրջը համախմբել բավականաչափ հասարակական ներուժ... Բայց մի բան պարզ է, որ նրա փոքրաթիվ համակիրների մեծամասնությունը համեմատաբար ինտելեկտուալ մարդիկ են:
  
 
Տպավորությունն այն է, որ ՀՅԴ թեկնածուն իշխող վարչախմբի համար հանդիսանում է պահեստային... տարբերակ "Բ":
  
 
Այս թեկնածուն ինքն էլ լավ հասկանում է, որ ընտրվելու որևէ հնարավորություն չունի, բայց փաստ է, որ այս գործիչը գիտի իր վարկանիշի արժեքը ու նաև կարողանում է այն որոշակի մակարդակի վրա պահել: Եվ հաշվի առնելով նրա տարիքը` բավականին հեռանկարային քաղաքական գործիչ է...
  
Այս գործիչն ունի որոշ հատկություններ, որ ուրիշ ոչ մի թեկնածու չունի: Նա նաև ոմանցից տարբերվում է նրանով, որ ընտրապայքարը նրա համար ոչ թե փող աշխատելու առիթ է, այլ փող ծախսելու տեղ... գոնե այդպես երևում է: Նաև միակն է, որի ստեղծագործական մղումներն ինքնաբուխ են և անզուսպ... Միայն հարց է մնում, թե այս մարդուն մեր իշխանություններն ինչպե՞ս են այսքան երկար տարիներ թույլատրում ունենալ սեփական հեռուստաալիք:
  
Կարելի է հուսալ, որ այս թեկնածուի առաջադրումը ոչ թե պատվեր է, այլ պարզապես ինքնահաստատման փորձ... Ամեն դեպքում այս գործիչն իրեն բավականին գրագետ և կոռեկտ է դրսևորում:
  
Երբ թեկնածության առաջդրման նպատակը հենց առաջադրումն է` խոսքերն ավելորդ են... թեպետ գուցե սխալվում ենք. գուցե իրոք կան կոնկրետ նպատակներ...
  
Անշուշտ, ավելի ճիշտ կլիներ այս գործչի անունը գրել Սերժ Սարգսյանին սատարող ուժերի ցուցակում, այլ ոչ որպես առանձին թեկնածուի...