Սկզբնաէջ

Տեսադարան

YouTube Էություն

«ՀՈՒԴԱՅԻ ԱՎԵՏԱՐԱՆԸ» ըստ «ԷՈՒԹՅԱՆ»     կամ ՔՐԻՍՏՈՆՅԱ± ԷՐ ԱՐԴՅՈՔ ՀՈՒԴԱՆ…                                                                                        Մեծությունները միշտ էլ չափվում են փոքրությամբ:   Այն, թե որքան ստոր, նենգ, խարդախ ու անպատկառ կարող է լինել մարդ արարածը` նկարագրված է համաշխարհային խրոնիկայում և գրականության մեջ:             Այն, թե որքանով է այդ ամենը հատուկ և առկա հայ արդի իրականության մեջ` յուրաքանչյուր դեռևս ազնիվ հայորդու մտատանջության և առօրեական կեցության մեջ է: Ի վերջո գարշ միջավայրում նեխում է ամենայն:       Այն, որ հոգևոր բարձրագույն արժեքներն ու խորախորհուրդ գաղափարները նույնպես վարակիչ են և կարող են «ախտահարել» անգամ ամենավերջին սրիկաներին ու ստահակներին` նույնպես բնականոն երևույթ է: Զի, հանուր էվոլյուցիայում բարեկրթվում են նաև չարիքն ու անգամ սատանան…      Այն, որ այդպես ամենավերջին սրիկաներն ու ստահակները կարող են բարբաջել վերին արժեքներից և ոգեղինությունից, ներշնչվել, հավատալ ու փորձել հանդես գալ որպես հոգևոր առաջնորդներ` նույնպես բազմիցս արձանագրված է պատմական տարեգրություններում, հոգեբանական վերլուծություններում և հենց մեր իրականության մեջ: Սովորաբար, դրանք ստահակների ստորագույն ու ամենաաղետաբեր տարատեսակն են:   Իսկ այն, որ այս ամենը կարող էր համատեղել նման մի  անձ` այն էլ ԷՈՒԹՅՈՒՆ Ազգային Իմաստության Տաճարի երբեմնի սանը, տառացիորեն յուրացնելով համանուն ոգե-գաղափարական համակարգի հիմնադրույթները և այդ ամենը ներկայացնելով բացառիկ անպատկառությամբ ու դեռ հավատացնելով շատերին, հիրավի արտառոց դեպք է: Թեև անդրադառնանք, որ բիբլիական աստվածն էլ մարդուն արարեց մեղսոտ և արատավոր... Տվայլ դեպքում խոսքը վերաբերում է ոմն Է.Մակարյանին, որն օգտվելով Ա.Վարպետյանի արտաքսումից, մի քանի տարի առաջ ինչ-ինչ  միջոցներով և հովանավորությամբ վարձակալել էր եռհարկանի մի շենք,ամբողջովին վերանորոգել այն և իբր հիմնադրել «ԷՈՒԹՅՈՒՆ» գիտամշակութային կենտրոնը, երբ բուն «ԷՈՒԹՅՈՒՆ»-ը  երախտաշատ մտավորականներով հիմանադրվել էր 1990 թ. (http://www.eutyun.org/S/E/Taregrutyun/EAITT.htm), ուներ ընդամենը մեկ սենյականոց համեստ մի գրասենյակ և անգամ Ա. Վարպետյանին Հայաստանից  վտարելուց հետո նրա նախագահությամբ գործում է ցայսօր:      Այդ մասին 22.01.2008թ., «ՈՂԲԱՄ ԱՊՐՈՂԱ~Ց ԿՈՉԵՄ ՄԵՌԵԼՈ~Ց» խորագրով ահազանգել էինք սույն կայքում (www.eutyun.org/S/E/ZT/ZT_080122_VoxbAprKochMer.htm) և հայրենի մի քանի լրատվամիջոցներով, որից հետո այդ ուրվականային կենտրոնը փակվեց: Բայց ահա, վերստին ընտրություններից առաջ այդ երիտասարդը վերահայտնվել է ՀՀ  հեռուստատեսությամբ` վերստին որպես չեղյալ այդ կենտրոնի հիմնադիր, ԷՈՒԹՅԱՆ գաղափարախոս և «ազգային փրկիչ»: Այդ մասին է կից տեսանյութը, որ խորհուրդ չի տրվում դիտել  գերզգայուն անձանց և 16 տարեկանից ցածր պատանիներին, կյանք մտնելուց առաջ չխաթարելու համար նրանց հավատը  մարդու, նրա իդեալների, հայության և հայրենքի նկատմամբ: Մինչդեռ, այդ «Էությունից» հետո ու նրա մոտավոր բնույթով հիմնված այդքան «Էություններից» և հորինածո «վարպետյաններից» ընդամենը մեկն է, իրականում հասկանալի նկատառումներով բազմացված ռուսամետ շրջանակների կողմից, որի մասին բազմիցս ահազանգել ենք այս էջերում և այլուր (տե'ս www.eutyun.org/S/E/AZGABANAKAN/Azgaban.htm , www.eutyun.org/S/E/E-Vodisakan/E-Vodisakan-1.ht և այլուր)...