Eutyun
  Սկզբնաէջ      
 
 
ՀՅՈՒՐԱՍԵՆՅԱԿ  
28/07.2008թ. Սամվել Սևադա
http://www.samvelsevada.com/

        Մեր առաջին հյուրը գեղանկարիչ, պոետ և գեղարվեստական լուսանկարի մեծ վարպետ Սամվել Սևադան է, գրչանունը` Տրուբադուր: Միշտ չէ, որ արվեստագետի արժանիքը համապատասխանում է նրա համբավին, շատ հաճախ` ընդհակառակը: Միշտ չէ, որ արվեստագետի ներաշխարհը համապատասխանում է արտաքին տպավորությանը` այդ հաճախ նրա հակադրությունն է: Եվ միշտ չէ, որ արվեստագետը կարողանում կամ ուզում է բացել իր ողջ ներաշխարհը, խորաթափանցներին թողնելով միայն կռահել այն: Եվ այդ է Սամվել Սևադայի պարագան, որն անչափ նախանձախնդիր է իր հույզերի, զգացմունքների և ընդհանրապես ներաշխարհ նկատմամբ: Մինչդեռ այն հագեցած է նաև փիլիսոփայական խորը խոհերով, ընդերային փոթորկումներով, տեսլականներով ու դրանց անհասանելիության թախծով: Եթե ձեզ հաջողվեց, ապա այնտեղ հարկ է մտնել որպես մենաստան, անշշուկ, բոբիկ կամ հողաթափիկներով, առանց այնտեղ վերադառնալու ակնկալիքի...
        Ստորև, որպես նմուշ ներկայացնում ենք նրա ընդամենը մի քանի աշխատանքները, իսկ ավելին կարող եք ծանոթանալ նրա անձնական կայքից. http://www.samvelsevada.com/
                     Իսկ քեզ համար դեռևս ապրիլ է...
                     Խնձոր
Այս գիշեր կրկին վերադարձավ
երջանկությունը ինձնից հոգնած,
շշնջաց ականջիս – ասաց.

Մնում եմ, էլ երբեք չեմ հեռանա քեզանից...

Երդվեց ու ասաց. չեմ գնա,
երջանկությունը ինձանից հոգնած :

Գլուխը կրծքիս խոնարհեց,
շոյեց քնքշորեն աչքերս,
- Չեմ գնա, դու քնիր ասաց:

Լուսադեմին վեր թռա
խաբկանքից շնչահեղձ,
անձրևն էր ծեծում լուսամուտս,
երջանկությունը հեռացել էր վաղուց,
հողաթափերը դռանս մոռացած:

Դե~ ինչ, ես մանկուց ընդունել եմ
դաժան օրենքը երազախաբության...

                                Սամվել Սևադա
           Ինքնանկար            Գաղտնիք            Ռեքվիեմ 
             Կողմնացույց տրուբադուրի համար              Լուսնային սոնատ
           Թիրախ            Տեղերում պարոնայք...            Հանճարը

        Սամվել Սևադայի մի շարք այլ գործերին կարող եք հանդիպել սույն կայքի տարբեր բաժիններում և էջերում, բնականաբար հեղինակի հիշատակմամբ: