Գողը տանտիրոջն է ատում, բանագողը՝ հեղինակին,                                        
      խաչագողը՝ Աստծուն...                                                     

                                          
Ամբոխը թութակի ուղեղ ունի,                                     
ագռավի բնազդ և անգղի ախորժակ...                                     

Ըստ ոմանց,  հավից ու ձվից առաջ միշտ էլ եղել է... ձվածեղը:                                   

Քանակականից որակականի անցնում են նաև անհատները, ազգերը          
        և ողջ  մարդկությունը, մնացյալը՝  քանակականից՝ նեանդերթալցու...                

Հանճարները մանրուքների մեջ են ջանում մեծություն քջջել,             
անճարները` մեծությունների մեջ մանրուք:                 

 Քաղաքականությունը մտավորականության թղթարկղն է,             
իշխանությունը՝ աղբանոցը...                

Ցայստեղ ունեցել ենք բարոյական բազում հաղթանակներ:                
Վերջապես ունեցանք նաև իրական մեծ մի հաղթանակ և                   
բարոյական... խայտառակ պարտություն:                         

Բախտն հաճախ է ծեծում մեր դուռը՝ բայց այդ մենք տանը չենք...

Հարկ է առավել զգուշանալ գովասանքներից ու բարեկամներից,
քան՝ փնովումներից ու թշնամիներից: Դրանք գոնե կեղծ չեն լինում:

Պետական ոճրի ու խարդավանքների «անվտանգության» մեծագույն սպառնալիքը ճշմարտությունն է,
 ինչպես լույսը՝  խավարի:

  Քաղաքականությունը բարոյական կատեգորիա չէ,

շնաձկերի անկեղծությունը՝ այո՛:

Եթե կա քարեր հավաքելու և քարեր նետելու ժամանակ,
   ապա կա նաև խաղաթղթերը խառնելու և խաղաթղթերը բացելու ժամանակ:

Եթե խաղողները «խակ» չլինեին՝  աղվեսները երբեք չէին հասունանա:

Տգիտությունից վատթարը անբուժելի տխմարությունն է,
տխմարությունից վատթարը՝ ախտահարուց տմարդությունը:

Լավություն արա և... քցվիր ջուրը:
  Կա՛մ քեզ կետաձուկը կուլ կտա, կա՛մ դու՝ Ոսկե Ձկնիկին:

  Անիվն ու հեծանիվը հորինվել են միմիայն մեկ անգամ,
վերահայտնաբերվել ու կատարելագործվել՝ բազմակի:

Հավատը կարող է լինել ախտաբանական այլ մեկ հավկուրություն.
միայն լուսավորն է տեսնում:    

         «Բնական ընտրությունն» են նաև... ընտրակեղծիքները: 

Սեփական ոճիրները կոծկող ազգը այլոց մեղադրելու բարոյական իրավունք չունի:

  Ընդդիմության ձեռքբերումը  «շնից մազ պոկելն» է,
իշխանության խերը` «մկան մեզը»:     

                  Ճանաչողությունը սկսվում է «ինչուներով», ավարտվում` ազատագրմամբ: 
                             

Կենդանիներին ընտելացնում են քաղցով, հայերին` 5000-նոցով:
                                                                        

Ամպերից վերև աշխարհը չի երևում, ապերից ներքև` Արեգակը:
  Ամպերի մեջ` ո'չ մեկը, ո'չ մյուսը, եթե իհարկե պայծառատես չեք:

Թռչող գաղափարները հավանոցներում չեն թառում:

Աջից ու ձախից վերև բարձունքներ կան,
     Արևելքից ու Արևմուտքից վեր` արեգակներ:
 Լավ ու վատից անդին իսկություններ կան,
            ամենայնի ընդերքում` ԷՈՒԹՅՈՒՆՆԵՐ: 

Աքաղաղը ձու չի տալիս, օլիգարխը՝  զինվոր:
Ոճրագործին ձեռք չեն տալիս, մեռելներին` ձայն,

                                    թշվառներին` զոռ:

Երկրային մակերևույթի 70% ջրային է,
մարդկային  կազմության 70%` ջուր,
հայոց 70%`…  ռուսամետ (Gallup) :

Փորձված աղվեսը... անփորձ թանից լավ է:

      Արեգակի ճառագայթները երկիր են հասնում 8 րոպեում,       
հանճարի ճառագումները` երբեմն լուսատարիներ հետո:

                           Եթե հարկադրված եք վաճառել ձեր բնակարանը, ապա խուսափեք միջնորդներից,
                            ավելորդ ծախսերից և քաշքշուկներից։ Հայրենքի դեպքում` բազմիցս առավել:

              Վատ է, երբ վիրուսը խոսում է քո անունից, սարսափելի`երբ նույնանում է քեզ հետ,
մահացու` երբ դառնում է դու: Այդժամ դու այլևս չկաս,  դու վի-ռուս ես…

              «Շպիոն» Օնի±կը… բա' «շպիոն» Արմե±նը, «շպիոն» Պետրո±սը, 

          «Ուտեմ քե՛զ, ուտեմ քե՛զ». - ասում են սիրելիներդ և… մարդակերները:

          «Գնա՛ մեռի` արի՛ սիրեմ». - ասում են հայերն ու… լեշակերները:

           Եթե նապաստակին անպատճառ պիտի խժռի գայլը, աղվեսը, արջը կամ բազեն,

     ապա հանուն «կենդանասիրության» հարկ է նրան գոնե թողնել

«Ամեն ոք, ով երբևէ հռչակել է բռնությունը իր մեթոդը,
անխախտորեն պիտի ընտրի սուտը որպես իր սկզբունք» (Ա. Սոլժենիցին) :

  Իսկ նա, ով ոճիր է գործել` նաև ԲՌՆԱՏԻՐՈՒԹՅՈՒՆ!!!…(ԷՈՒԹՅՈՒՆ ):

Արցախյան այս մեկ պատերազմում
հաղթանակն անգամ հետաձգված պարտություն է,
պարտությունը` գուցե հետաձգված հաղթանակ...

Եթե ժամանակը դրամ է, ապա ինֆորմացիան` քսակ:

Այնինչ ինֆորմացիան ժամանակի մեջ չի տեղավորվում:

Ստրկամիտը ստրուկ է անգամ ազատության մեջ:

        Օտարամետը` օտար հենց իր հայրենիքում

                                              (և ընդհակառակը ):

Աֆրիկյան գրիպը հատուկ է միայն խոզերին, «արցախտը»` նույնպես:

Աֆրիկյան գրիպը էթնիկական վարակ չէ, «արցախտը»` նույնպես...

Կեղտի մեջ առողջ սերմը ախտ է սերում, սրբազան սերը` դժբախտ,