Eutyun
ՃԱՆԱՉԵԼ ԻՄԱՍՏՈՒԹՅՈՒՆ ԵՒ ԶԽՐԱՏ, ԻՄԱՆԱԼ ԶԲԱՆՍ ՀԱՆՃԱՐՈՅ
  Սկզբնաէջ      
 
Ազգային գլխատում
  
       10/12.2007թ.
  
1999թ. հոկտեմբերի 27-ին գրվեց մեր պատմության ամենասև էջերից մեկը, որն իր բնույթով ու հետևանքներով համեմատելի է 1915թ.-ի իրադարձությունների հետ: Ամենացավալի առանձնահատկություններից մեկն այն է, որ առնվազն իրականացումը կատարվեց հայազգի “մարդկանց” կողմից: Մեր ազգի համար ամոթալի խարան էր ոչ միայն բուն 27-ի դեպքերը, այլև այն, որ այդպես էլ այդ ոճիրը չբացահայտվեց: Մեծ խորաթափանցություն պետք չէ ունենալ հասկանալու համար, որ կազմակերպիչ և հովանավոր ուժերի չբացահայտումն էլ ավելի մեծացրեց ու խորացրեց առանց այդ էլ բարդույթավորված մեր ազգի հոգեբանական բարդույթները: Փորձելով կողքից սթափ դիտարկել կատարվածը, հիմնական տպավորությունն այն է, որ բացի զուտ մարդկային ողբերգություններից, ավելի մեծ մի ողբերգություն տեղի ունեցավ. մեր երկրի ղեկավարությունը, որը փորձում էր ինքնուրույն և ազգանպաստ քաղաքականություն վարել (այստեղ այդ քաղաքականության օգտակարությունն ու խորությունը չենք քննարկում)` մեկ րոպեի ընթացքում պարզապես ոչնչացվեց: Այնպես որ վստահ ենք, որ ազգային գլխատում որակելով կատարվածը` ամենևին չենք չափազանցնում: Կարծում ենք, որ պետք է մեծացնել հանրային ճնշումը, որպեսզի վերջապես բացահայտելով բուն ոճիրը, տրվեն համապատասխան գնահատականներ և կատարվեն ճիշտ հետևություններ:
 
17/03.2008թ.
  
Կայքի այցելուներից ներողություն ենք խնդրում այս էջը երկար ժամանակ չթարմացնելու և չլրացնելու համար,
ինչն անպայման կանենք առաջին իսկ հնարավորության դեպքում:
Շնորհակալ կլինենք համապատասխան նյութեր տրամադրելու և առաջարկությունների համար: